今日難得打風有得放假, 真開心!

因為去完美國返黎之後公司一路都好多野做, 星期六日又成日坐金光飛航去香港遊船河同去書展, 所以一路都無update個blog呢, 連d相我都未update.

早兩日有人問番我, 早排去日本d相都未睇過, 諗諗下好似真係未post條link出黎呢 --> http://ivan-tokyo-2008.blogspot.com/ 整好左個blog我又無左件事呢.

至於美國旅行, 之前update左少少相啦, 今次其實吾係去左好多地方, 去左一個渡假湖區Lake Tahoe, 又去過Santa Cruz同San Fran玩, 不過呢個假期真係好relax.

有機會我諗我會去多次Santa Cruz, 呢度d沙真係好幼細好滑, d天氣又好.

咁手信呢? 仲未攞o既朋友代表我同你吾係好熟呀......講笑姐, 我只係攞左番公司比d同事ja, 所以好多朋友我都未比呀, 得閒出黎食飯比你地啦.

 

今年第一次係美國過呢個July 4th, 超級市場都見到有美國國旗賣, 仲有d小型烟花添,

outlet全部都做國慶discount, 我都買左少少救下美國經濟呢, hehe

不過吾知會吾會有恐怖襲擊呢

今次黎到美國係坐長榮轉機, 澳門時間20:30起飛先到台北轉機, 心諗去到三藩市已經係夜晚, 點都可以有覺好訓啦, 點知訓到朝早5點已經眼光光,

時差呢樣野真係避都避吾到, 到左呢度下午又開始眼訓, 真係死火呢....希望聽日可以習慣啦

 

Here comes again the Cyril Magic show, don't miss the first one, that's really amazing!

Street Magic in Macau: http://www.youtube.com/watch?v=BEmhzHtIwjk

Metal Gear Solid 4: http://www.youtube.com/watch?v=_1HbJClAP2Y

MGM: http://www.youtube.com/watch?v=dPmCZavuyNI

早兩日去左皇朝一間新開的韓國菜館, 就係巴士總站個間, 我去個陣招牌仲用紅紙包住呢.

講番佢有幾吾掂先, 我地4個人叫左蛋包飯, 石頭鍋飯, 炸蝦同一個墨魚牛肉火鍋, 埋單8xx,

最吾掂係蛋包飯, 一塊蛋包住粟米青豆紅蘿蔔粒炒飯, 味道普通到極, 但係價錢要成舊水,

石頭鍋飯又超細, 墨魚牛肉火鍋3xx, d墨魚又超硬, 牛肉已經吾係多, 仲要係"un"架,

成個火鍋最多反而係大蔥, 唯一ok的就係個炸蝦....

試過今次之後一定無下次!

早兩日過左香港整美國簽證, 原本以為起碼攪2粒鐘啦, 點知係出奇地快, 可能係以前辦過就快d掛, 今次吾洗一粒鐘就走得.

一去到見到條人龍都已經有吾少人排緊, 心諗以為有排等啦, 轉頭仲聽到收表個counter傳黎一句:"有無公司信呀?"

心諗:"ai.....死火, 我無公司信喎, 佢個網又無寫話要喎....." 諗住排到去無又要請多一日假添架.....結果排到埋去時, 佢又問我有無公司信,

咁我答無啦, 佢又照收喎, 所以真係吾明點解佢要問呢個問題....

不過整個簽證都幾金呢, 成千銀喎, 好彩今次批左十年期, 感覺點都好過佢批一年啦.

你話有葡國passport幾好呢, 可以慳番呢一千銀.

呢個世界真係乜人都有, 以下有兩個例子:

香港女生幸災樂禍事件 http://evchk.wikia.com/wiki/SAYA_SHAN

遼寧女狂罵四川災區人民 http://www.youtube.com/watch?v=uJJm02DTi6I

真係吾知佢地為左乜野咁樣做...

今日我想講的並不是四川地震, (因為已經太多報導了, 我吾講你無理由吾知, 同埋你無可能無捐過錢救災架啦)

亦不是我去日本旅行o既事, (仲要時間整理相片, 所以遲d先再講)

其實係我今日行過屋企樓下, 突然發覺銀禧麵家原來已經執左笠, 之後聽返人講原來已經執左一排呢...

原來好多發生係我周圍o既事, 我都察覺吾到, 吾通我d觀察力真係咁差? 一或係我對周圍o既事都係漠不關心呢?

星期六去香港行過信和時, 發現六神合體套超合金新版有得賣, 個價錢仲....你地估下幾錢啦.

等我比d tips你地啦, 呢一款六神合體超合金係30年前板樟堂李源記賣$99, 同機甲艦隊(15機合體)等等超合金都係一律$99.

想睇睇咩係六神合體點合體就要睇睇呢段片la:

早排收到個email關於Viva有包機飛東京, 個價錢吾係好貴, 不過最近d Yen升吾少, 洗費可能會貴左呢.

有興趣可以睇下 http://www.flyvivamacau.com/en/jppackages/ 澳門代理係澳門青旅, 可以打電話叫佢fax d資料睇下.

有綠的話可能會係東京見到我喎 ....

 

初初有d吾慣, 因為吾係用方向掣轉彎, 但係玩慣左之後當然無問題啦,

佢最好係可以網上對戰, yeah! 有時間約埋比試下啦!

記得我細細個o既時候睇過好多卡通, 但係因為有咁多年, 而家好多都無乜印象,

oldcake.net呢度就喚醒左我細細個d回憶, 其中一套係我連名都吾記得, 只係記得其中幾個畫面,

呢度有得重温opening: http://www.youtube.com/watch?v=Z4-d4nPQ4bo

 

最近打開MSN, 見到個個晒出一顆心, 說愛祖國, 要團結, 紅心一窩蜂咁走晒出離, 睇到眼花,

所以我決定保持我一向自我風格, 無做到羊群中的一隻羊.

最近去過幾次威尼斯人個food court, 發覺同初初開幕時的感覺差好遠好遠, 係呢度同大家分享下我O既經歷.

有次我同女友兩個人買了食物之後去到韓國石頭鍋飯對出的四人檯坐下來, 食到咁上下的時候, 有一名祖國女同胞走近, 問都吾問下就坐左落我地張檯,

坐低之後我地用奇異眼光啤住佢, 因為O個日吾係星期六日, 所以周圍仲有好多位置, 但係就吾明佢點解會咁無禮貌問都吾問就坐我地張檯, 不過我地最後都係食飽走人算數.

從呢次經驗中, 我地發現左呢D無禮貌O既人吾只一個, 其實係一大班, 應該係活躍賭場O既內地"財務管理人員", 應該仲係低級個隻, 因為佢地係會問D高級人員攞食飛, 之後再去攞野食.

咁第二次我地就諗住避開呢班人O既活動範圍, 去到後面海皇粥那邊食野, 點知坐低無耐又發現呢類人係附近出現, 咁都無計啦, 人地人多勢眾, 其實可能周圍都係, 但係今次其中兩名女性"財務管理人員"係非吸煙區度食煙, 好彩food court入面有工作人員勸阻, 雖然已經食左一排, 但係佢地都好合作咁整熄左支煙.

到左第三次, 我地附近當然都係呢班人啦, 不過今次仲恐怖, 因為一名中坑竟然"放飛劍", 隨地吐痰, 唉...佢班同事仲勁, 紙巾掉到周圍都係, 真係辛苦晒D工作人員呢, 要服務呢班人真係難頂呢.

祖國萬歲! 我地D同胞已經控制威尼斯人了 :x

都係芒姐好介紹:

如果你聽過梁漢文同楊千嬅首"滾", 咁你可以睇下呢個版本

d歌詞填得好抵死, 再加埋d漫畫真係笑死

吾好以為我講緊我個銀包發過豬頭,其實係呢排D人見到我都話我肥左, 吾通又係肥得個頭?

講番個荷包就慘啦, 自從架直通車停左之後, 我就睇住個荷包縮晒水, 好彩呢排忙到無時間睇住個市, 所以無咁心傷.

再加上呢排大出血, 都無乜錢剩去買平野, 唯有慳D洗啦.

上個星期同大龍Cathy食飯時睇電視見到"四人歸西"個段片, Cathy即刻話記得佢好恐怖, 其實呢一套係當年我只係得幾歲仔o既時睇, 真係恐怖到爆呀, 我仲記得從此以後打麻雀都吾敢四個都打西添呀, 個晚返到屋企即刻上youtube搵, 睇下有無人upload呢套野, wah...原來真係有呀, 比條link大家睇下啦:

上集 : http://www.youtube.com/watch?v=RZlcggMV4Dc  下集: http://www.youtube.com/watch?v=LHMMgdRJ-ns

不過而家睇番發覺我d記憶其實有d模糊, 因為我一路都以為翻車o個架係小巴黎, 原來係一架私家車.

講完呢單恐怖野, 我地仲聯想到日本富士急入面個恐怖醫院添.......

夠膽你就睇埋呢條片: http://www.youtube.com/watch?v=zzE9QNhgckQ

今日身體同股市一樣差, 終於要去睇下醫生, 不過都好, 可以有d時間update下個blog.

早幾日去完香港已經想寫, 不過日日都忙到無停手, 今日終於比個機會我呢...

點解去香港都要寫blog呢, 其實因為今次係有一個好特別o既聚會...10年前有一班年青人分別來自香港同澳門去到美國玩, 10年之後呢班年青人又聚埋一齊,  感覺真係好奇妙, 大家雖然吾係成日見面, 但係佢地一班人都可以玩得好開心, 其實大家都無乜點變, 只係聚會多左幾個新成員姐.

呢度我都想多謝下各位參與聚會o既各位, 少左我地是但一個, 個party都變得無咁開心呢!

同埋呢個party我地玩左一個叫Pictionary o既game, 上網睇番原來都有好多人玩過呢個game, 佢係一個靠畫圖案去猜一d動作, 人物等等, 真係超好玩.

呢到有人post左佢地畫o既一d圖案, : http://hk.myblog.yahoo.com/cs_fcs/article?mid=1499&prev=1510&next=1427

可惜我地無keep到呢d紙, 不過最難我就覺得係要用圖案去表達"灰色", 最無可能估到但係又好簡單咁比人估到o既有"珍珠"同"台灣", 我估得最快o既當然係"機關槍"啦, 畫得最detail係Cathy個"相撲手", Annes個"接吻"真係要佢地先估到呢. 下次一定要再玩過呢!

(Party D 相我遲d先upload上黎la)

原來都好耐無update個blog, 就襯今日收工寫兩句啦.

月初去台北d相都未執晒, 不過可以睇住個行程介紹先

今次旅行都係要多謝下D贊助商:中國人壽同建設銀行.

早幾日個朋友問我d股票有無賺錢, 我就答佢:"咁多師奶都賺左, 我答你無你都吾信啦"

今日個市跌左成千點, 我個balance當然會少左啦, 之前要賣的都賣左, 要買的今日都買埋.

咁就又係時候等收成lu....最後當然係要補充"投資係有風險架"!

 

 

呢度有好多康熙來了, 大小愛吃, 星光大道 ...etc

仲update得好快架, 有興趣去睇下啦!